Isang Pagsusuri kay Kris Aquino, mula sa blog ni Nikki Cruz
by Megan de Leon

Sa usapang pop culture, matataguriang isang pop icon si Madonna kung saan naging timeless hindi lang ang kagandahan niya, kagalingan sa pagkanta at pagsayaw, kung hindi sa kanyang laking impluwensya sa mga fans at mga nakikinig sa kanyang musika at ugali. Si Madonna ang prinsesa ng pop hanggang ngayon, na hindi mapapalitan ang kanyang epekto sa mga tao. Maaaring siya nga ay kinakainisan ng mga taong konserbatibo, pero tinitingalaan ng mga taong katulad niya; ika nga, liberated.

Ayon sa pagsusuri ng blog entry ni Nikki Cruz http://filculmgroup5.blogspot.com/2008/10/kris-aquino.html, idinako niya ang ganitong mentality sa mga Pilipino kung saan nagkakaroon din ng Pinoy icon na nakakaimpluwensya sa mga tao. Siya ay si Kris Aquino. Galing siya sa isang prominenteng pamilya kung saan sinasaloob ng kanyang pamilya ang pagiging tagapamuno ng ating bansa, ang former president na si Cory Aquino at ang kinikilalang bayani ng mga Pilipino na si Ninoy Aquino. Hindi lang sa kanyang pangalan kaya siya nagiging isang icon, kung hindi sa kanyang pagiging aktres sa ilang taon na nakalipas, ang kanyang pagiging host, at ang mga kontrobersyal na isyus na nadadamay siya kung saan inaabangan ng lahat. Si Kris Aquino ay isang host na people will love to hate. Kahit gaano pa nila ito laitin, o kainisan sa kanyang pananalita, pinapanood pa rin siya. Ganon katindi ang impluwensya niya sa mga tao halip sa hindi na siya pansinin sa showbiz dahil sa mga naiinis sakanya, lalo siyang nagkakaroon ng limelight sa entertainment industry. Higit pa dito ay ang kanyang mga iba't ibang advertisements kung saan naman isa itong malaking oportunidad sa kanyang lalong pagsikat. Higit sa kinakainisan siya maghost, o di kaya umarte, tinaguriang siyang "box office queen" sa kanyang panahunan kasama ni Rene Requestas.

Marami nang isyung mabibigat ang pinagdaanan ni Kris Aquino. Ngunit kitang-kita mo sa telebisyon ang kanyang pagiging tunay na babae, pagiging matatag sa kanyang pinagdadaanan, mula sa pagkamatay ng kanyang ama, ang pagsabak ng kanyang ina bilang presidente, ang kanyang lovelife kay Joey Marquez. Ilan lang ito sa pinagdaanan niyang mabibigat. Dito isinuri ni Nikki Cruz, na hindi sa kanyang pag-arte o paghost kaya kilalang kilala si Kris Aquino, dahil isa siyang representasyon ng babaeng Pilipina kung saan kinakaya lahat ng problema at hinaharap ito kahit sa buong bayan, kahit makakasira pa ito ng kanyang imahen. Totoo siya sa sarili niya, at ito ang tunay na icon.