ni Samuel G. Lubi
Sa aking pangaraw-araw na pamumuhay, mula pa nung aking kabataan hanggang sa ngayon, kalimitan kong ginagawa kasabay ng aking pagpapahinga ang panonood ng TV. Ito ay nakagawian ko na pagkakauwi ko galing sa eskwelahan. Sa oras na ito, nakaramdam ako ng kaunting pananabik, dahil nabigyan kami ng pagkakataon na suriin ang paggamit ng wika sa isang TV program. Ito ay minsan ko lang gagawin kaya nakitaan ko ito ng pananabik. Sa pagsasaliksik ng aking gagamiting paksa, sumagi sa aking isipan ang TV Patrol bilang pangunahing paksa. Ito ang ginamit ko dahil halos gabi-gabi ay naririrnig ko ang TV patrol bilang programang taga-ulat ng mga balita.

  Kakaiba ang pag-gamit ng wika sa programang ito. Iba ang dating nito sa bawat taong makakarinig. Kung tutuusin, hindi ko kaagad napansin na ang kakaibang paggamit ng wika sa TV Patrol dahil halos araw-araw ko na itong naririnig na kung saan halos nakasanayan ko na ang paggamit nila sa wika sa kanilang pag-uulat. Sa aking pagsusuri, una kong napansin ang pagiging matigas ng kanilang pananalita. Kahit naman saan sigurong programang tagapagulat ng balita, sila ay gumagamit ng matitigas na salita. Ito ay ginagamit ng bawat tagapagulat upang magkaroon ng dating at para makatawag pansin sa mga manood. Sa kadahilanan ngang balita ang kanilang inuulat, kailangang nga namang nakakatawag pansin ang paggamit nila sa wika. Ikalawang bagay na aking napansin ay ang pagiging konsistent sa paggamit ng wika. Sa TV Patrol, ginamit lamang ang isang lengwahe at ito ang ay ang paggamit nila ng wikang filipino. Sa aking pananaw, magandang ideya ang ginawang paraan ng paguulat ng kanilang mga balita. Tama lamang na ginamit nila ang wikang filipino dahil nga naman ito ang ating pambansang wika at dahil para sa mga Filipino nga naman ang balita na kanilang iniulat. Sa ibang programang telebisyon na nagbibigay ng mga balita, ginagamit nila ang wikang ingles bilang lengwahe para ito sa ibang tao na hindi nakakaintindi ng wikang filipino. Ito ay nakadepende sa layunin ng programa kung kanino nila nais iparating ang kanilang mga inuulat.

Sa aking pagsusuring ito, napansin ko rin na ginagamit nila ang mga common na wika at salita para mas madaling maintindihan ng mga manood at tagapakinig ang kanilang mensahe o balita. Ginagamit nila ito dahil alam nila na ang Pilipinas ay mayroong napakaraming salita, at ito ay depende pa sa mga lalawigan o pulo. Ginamit nila ang wika ayon sa naiintindihan ng nakararami.

Sa aking palagay, hindi lamang basta-basta ang paggamit ng TV Patrol sa mga wikang ito. Sila ay nag-iingat din sa mga paggamit ng wika, dahil alam naman nating ang wika ay napakalakas na armas kung ito ay gagamitin depende sa iyong pinapanigan. Sila ay maingat dahil alam naman nating ang mga binabalita nila ay balita lamang at walang pinapanigan. Ibig kong sabihin dito ay hindi sila pwedeng maging bias sa isang balita dahil ito ay maaring ikasira ng reputasyon ng tagapagulat at maging ang kompanya. Ang paggamit nila ng wika ay pantay at walang pinapanigan.

Iba naman ang paggamit nila ng wika sa serye ng showbiz. Ang dating naman ay nagiging malumanay na wari bang nakikipagkwentuhan lamang sa isang tao. Ang wika sa serye ng showbiz ay batay sa panahon ng mga makabagong henerasyon. Tila may pinapanigan na ang mga tagapagulat. halimbawa dito ay serye ng mga pagpapakasal ng mga artista - "bagay silang dalawa", dito pumapasok ang malayang pag-uulat dahil nasasabi niya kung ano ang gusto niyang ipahayag.

Hindi ko lubos naisip na maari nga palang idiskurso ang mga bagay na ito, gaya na lamang ng pinagawa sa amin ng aming propesor. Ako ay umaasa na mas marami pa ang mga bagay na mahanapan ko ng kahulugan at maikritik gaya na lamang ng ginawa naming ito.