by Megan de Leon

Sadyang kitang-kita ang laking phenomena ng palabas ng The Buzz kung saan nilalahad ng show na ito ang iba't ibang kontrobersyal na isyus lumalaganap sa showbiz at pinamumunuhan ng mga prominent hosts na si Kris Aquino at Boy Abunda. Dito nagiging outlet o labasan ng mga problema umiikot sa mundo ng mga artista. Maraming bahagi ang presentasyon ng palabas nito kada linggo, kung saan ang pinaka-latest o hot na mga isyu na alam ng mga audience o ang mga isyu na alam nilang mapapanood ang mga tao lalo na sa mga sikat na artista. ay ipapakita o di kaya May isang segment dito na tinatawag na "Blind item" kung saan maiiwan curious ang mga manonood sa kung sino ang artistang tinutukoy nila sa isang partikular na isyu. Maaaring ang mga isyu na ito ay gawa-gawa lang upang magkaroon ng publicity stunt sa isang artista upang maging usapan ito ng karamihan.

Kapansin-pansin ang pamamaraan ng kanilang paghohost sa pamamagitan ng pagiging lively nila upang mailahad ang kanilang paglibang sa mga manonood upang hindi sila maboringan sa pagbibigay impormasyon. Sa simula ay makikita mo ang introduksyon ng hosts na si Kris Aquino
kung saan nakikita ang kanyang personalidad sa kanyang pananalita. Kilala si Kris Aquino bilang kilalang artista, anak ng sikat na nakalipas na presidente at iniidolong ama na si Ninoy Aquino. Dito naipapakita ang kanyang paglaki bilang elitista magsalita sa pamamagitan ng pagsasalita ng Taglish. Napansin ko lang na ginagawa niyang mas maayos ang pananalita ng paghalo ng Tagalong at Ingles upang maiparamdam niya ang lebel ng paglalahad ng impormasyon at isyu sa target audience na ang mga masa.

Si Boy Abunda naman ay isang kilalang host kung saan tinagurian siyang pinakamagaling maghost na bading kung saan masinop ang kanyang pananalita at nakakapantay niya rin ang lebel ng pagiintindi ng mga masa. Ngunit hindi rin maiwasan ang kanyang kagaling sa pagsasalita ng Ingles habang nagiinterbyu siya sa mga artista tuwing may isyu na pinaguusapan.

Ang wikang nagagamit sa The Buzz ay hindi purong Tagalog at Ingles, kung hindi pinaghalo ito upang maintindihan ng lahat. Dahil ang motibo ng The Buzz ay pagusapan ng mga isyu, hindi maiwasan magkaroon ng pabalbal na mga salita na nasasabi ng mga hosts upang mabansagan na isang hot isyu ngunit matinding pag-iiwas pa rin ito dahil pwedeng makasuhan na libel ang mga maling impormasyon na nakakapahamak sa pangalan at imahen ng artistang pinag-uusapan. Katulad na lang ng dating isyu ni Cristy Fermin kung saan tinanggal siya bilang main host ng The Buzz at pinalitan ni Kris Aquino dahil sa kanyang kasong libel na kinasuhan ni Amabelle Rama.

Ang Tv Show ng The Buzz ay punong-puno ng kontrobersyal na isyu kung saan kritikal ang uri ng wika na pwedeng makasira ng imahen ng artista, o makabuo ng isang gulo na magiging isang kontrobersyal na isyu pa. Ang The Buzz ay isang tv show kung saan kinakailangan magkaroon ng adaptation ng hosts sa lebel ng pagkakaintindi ng mga manonood dahil ang target audience nila ay ang masa.